Accessibility links

Labari da Dumi-Duminsa

Wata Hatsaniya Ta Bullo Tsakanin Fulani Da ‘Yan Sa Kai A Jihar Kebbi


Wata Hatsaniya Ta Bullo Tsakanin Fulani Da ‘Yan Sa Kai A Jihar Kebbi
please wait

No media source currently available

0:00 0:00:07 0:00

Wata Hatsaniya Ta Bullo Tsakanin Fulani Da ‘Yan Sa Kai A Jihar Kebbi

Wata hatsaniya ce ta bulla a garin Yauri na jihar Kebbi dake Arewacin Najeriya tsakanin ‘yan sa kai da Fulani abin da yayi sanadiyar mutuwar mutum uku wasu suka samu raunuka.

Yanzu haka jama'ar garin na zaman dar-dar saboda rashin sanin abinda zai iya sake faruwa sanadiyar wannan yamutsin wanda mutanen garin basu saba ganin irinsa ba.

Rigimar ta soma ranar Asabar dake zama ranar kasuwar garin na Yauri inda wasu ‘yan sa kai da ke farautar barayin shanu suka zo sashen turaku inda ake sayar da dabbobi suna neman kama wani bafulatani da suke tuhuma.

Karin bayani akan: DSP Nafi'u Abubakar, Operation GANUWA​, Jihar Kebbi, Nigeria, da Najeriya.

Zuwan su wurin ke da wuya suka yi yunkurin kama mutumin sai ‘yan uwansa suka hana, suka bukaci a tsaya ayi binciken tuhumar da ake masa kafin kama shi inda nan ne rigima ta barke har aka soma sare-sare abinda ya tayar da hankalin jama'a suka shiga gudu.

Da aka zanta da wani mazaunin garin Shamsu Yauri ya shedi aukuwar lamarin wanda ya sa jama'a gudu don neman tsira.

Rundunar 'yan sanda ta Jihar Kebbi ta bakin kakakinta DSP Nafi'u Abubakar ta tabbatar da faruwar lamarin ranar Asabar.

Yankin na Yauri dai a iya cewa shine na biyu da ya fara fuskantar rigima tsakanin Fulani da ‘yan sa kai har akai ga yin kisa baya ga yankin Zuru da aka yi ta samun irin wadannan matsalolin.

Rundunar 'yan sanda jihar ta ce ta kaddamar da wani shiri na Operation GANUWA domin magance shigowar ‘yan ta'adda daga wasu wurare suna addabar jama'ar Kebbi.

A saurari rahoto cikin sauti daga Muhammad Nasir:

please wait

No media source currently available

0:00 0:02:36 0:00

Dubi ra’ayoyi (7)

An rufe wannan dandalin

An Ga Watan Azumi A Najeriya - Sultan

Mai Alfarma Sarkin Musulmi Muhammada Sa'ad Abubakar Ya Ba Da Sanrwar Ganin Watan Ramadan
please wait

No media source currently available

0:00 0:03:21 0:00
Karin bayani akan Bidiyo
Wani Sirri Da Tsohon Shugaban Nijar Mahamadou Issoufou Ya Fadawa ‘Sarki Sanusi II’
please wait

No media source currently available

0:00 0:02:23 0:00
Karin bayani akan Bidiyo

Bidiyo

An Kai Wa Ofisoshin Kungiyar Ba Da Agaji Hari A Arewa Maso Gabashin Najeriya
please wait

No media source currently available

0:00 0:01:02 0:00
Karin bayani akan Bidiyo
XS
SM
MD
LG