Accessibility links

Labari da Dumi-Duminsa

Wata ‘Yar Kasar Italiya 'Yar Asalin Najeriya Ta Lashe Gasar Girkin Masterchef A Italiya


Tracy Eboigbodin

Tracy Eboigbodin, 'yar shekara 28 daga Verona 'yar Najeriya, ta lashe gasar girkin MasterChef Italia karo na 11.

Matashiyar ta doke wasu matasa maza biyu masu dafa abinci, Carmine Gorrasi dan shekara 18 da kuma wani daliba Christian Passeri, mai shekaru 20 mai fama da ciwon Asperger, a wasan karshe na ranar Alhamis.

Ta yi nasara ne da abincin da ta girka da ta laka wa suna L'abbraccio – wato runguma.

Eboigbodin , wacce ta zo Italiya tare da danginta bayan ta gama kuruciyarta a Najeriya ta ce, "Rungumar babbar alama ce ta hadin kai tsakanin abubuwa biyu daban-daban, na nesa, wani sa’in kuma na kusa."

"A lokacin da nake MasterChef na koyi bude zuciyata ga abin da ban sani ba kuma da abubbuwan da na tashi da shi ba tare da tsoro ko son zuciya ba , kuma na sanya shi cikin abinci na ta hanya mai kyau.

"Ina so in bayyana ma'anar hakan a gare ni a cikin darussa hudu na wannan girkin".

Eboigbodin ta lashe tukuicin Yuro 100,000 da zinarin gani na gwanaye, da kuma ikon buga littafin girke-girkenta. (ANSA).

Hukumomin Nijar Sun Fara Kwashe ‘Yan Kasar Masu Bara A Titunan Wasu Kasashe

Karin bayani akan Rahotannin Taskar VOA
XS
SM
MD
LG