Accessibility links

Labari da Dumi-Duminsa

Yadda Aka Sace Daliban Sakandare Da Dama A Kebbi


Yadda dalibai suka yi ta tserewa a makarantar bayan ficewa 'yan bindigar (VOA, Muhammad Nasir)

Wani daga cikin iyayen da ke da yara a makarantar Malam Abdulhamid ya ce suna cikin tashin hankali.

A Najeriya Mahara sun yi dirar mikiya a makarantar gwamnatin tarayya dake garin Birnin Yauri a jihar Kebbi inda suka dauki dalibai da kawo yanzu ba'a san adadin su ba.

Maharan a cewar wani malamin makarantar sun shiga makarantar ne suna harbin kan mai uwa da wabi inda suka firgita kowa daga nan suka fara aika- aikarsu.

Wani daga cikin iyayen da ke da yara a makarantar Malam Abdulhamid ya ce suna cikin tashin hankali.

Dan majalisar jihar Kebbi mai wakiltar karamar hukumar Ngaski ya ce da isar maharan sai da suka fara arangama da jami'an da ke tsaron makarantar kafin su samu damar shiga ciki.

Wasu daga cikin daliban da suka tsira daga hain 'yan bindigar a jihar Kebbi
Wasu daga cikin daliban da suka tsira daga hain 'yan bindigar a jihar Kebbi

Dan majalisar wakilai ta tarayya mai wakiltar mazabar Yauri Shanga da Ngaski wanda yankinsa abin ya faru, ya nuna damuwa akan rashin tabuka komai tun lokacin da maharan suka shiga yankin makon da ya gabata, har suka dawo da wannan aika-aikar.

Na tuntubi rundunar 'yan sanda ta jihar Kebbi amma dai kakakin ta bai dauki wayarsa ba.

Dama jama'ar yankunan da ke fama matsalar tsaro sun jima suna kira akan a kawo masu dauki saboda halin kunci da suka tsinci kansu ciki.

Satar dalibai dai a Najeriya na ci gaba yaduwa musamman a arewacin Najeriya duk da kokarin da hukumomi ke cewa suna yi akan harkar tsaro.

Saurari Rahoto Cikin Sauti Daga Muhammadu Nasir:

Yadda Aka Sace Daliban Sakandare Da Dama A Kebbi
please wait

No media source currently available

0:00 0:03:45 0:00


Laftanar Janar Farouk Yahaya

Makasan Sheikh Goni Aisami Sun Bata Sunan Sojin Najeriya – Laftanar Janar Farouk Yahaya
please wait

No media source currently available

0:00 0:02:11 0:00
Karin bayani akan Bidiyo

Shin da gaske NNPP ba ta yi wa Shekarau adalci ba?

Karin bayani akan Bidiyo
XS
SM
MD
LG