Accessibility links

Labari da Dumi-Duminsa

'Yan bindiga Sun Sace Ma'aikata Da Jariri Daga Wani Asibiti a Zariya


‘Yan bindiga sun yi garkuwa da kimanin mutane takwas, ciki har da dan wata ma’aikaciyar jinya mai shekara daya, daga gidajen ma’aikatan asibitin da ke zaune a arewa maso yammacin Najeriya.

A yayin da kuma lokaci guda suka kai hari ofishin’ yan sanda da ke kusa, a cewar ’yan sanda da jami’an asibitin.

Jihar Kaduna ta sha fama da sace-sacen mutane don neman kudin fansa daga hanun ‘yan bindiga. A Zariya, inda asibitin tarin fuka da cibiyar kuturta ta ke, an fi samun hare-hare, kuma wannan harin shi ne na uku a asibitin.

Harin da sanyin safiyar ranar Lahadi ya dauki kimanin awa daya, kamar yadda mai magana da yawun asibitin Maryam Abdulrazaq ta shaida wa kamfanin dillancin labarai na Reuters.

Ta ce an sace mutane shida: ma’aikatan jinya biyu, daya da danta mai shekara daya, da wani kwararre mai gwaje-gwaje, da jami’in tsaro da kuma wani ma’aikaci guda. ‘Yan sanda sun ba da adadin wadanda aka yi garkuwar da su har takwas.

Abdulrazaq ta ce "Ya zuwa yanzu, basu nemi kudin fansa ba," "Ba mu sake jin labarin 'yan fashin ba tun da suka tafi da su."

A wata sanarwa ta daban, kakakin rundunar ‘yan sanda na Kaduna, Muhammed Jalige ya ce“ wasu ‘yan bidiga da yawa dauke da muggan makamai daga wannan kungiya sun kai hari hedkwatar’ yan sanda na shiyya a daidai lokacin guda “a kokarin mamaye jami’an da ke bakin aiki.”

Jalige ya ce ‘yan sanda sun dakile harin bayan musayar wuta da aka yi, wanda ya raunata wasu daga cikin maharan. 'Yan sanda sun kwato harsasai da yawa daga bindigogi da manyan bindigogi.

Ya ce jami’ai daga bangaren dabaru, masu yaki da satar mutane da sauran bangarori na aiki don ceto wadanda aka sace daga asibitin.

Satar mutane domin neman kudin fansa ta zama ruwan dare a arewacin Najeriya. Fiye da dalibai 800 aka sace tun watan Disamba, akalla 150 daga cikinsu sun kasance a bace ya zuwa yanzu.

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG