Accessibility links

Labari da Dumi-Duminsa

'Yan Majalisar Dokokin Amurka Sun Kai Zaiyara A Kan Iyakar Kudancin Kasar


Shugaban marasa rinjayi a majalisar dattawa Chuck Schumer

Wuni guda bayan ya bada bahasi game da halin da ake ciki a kan iyakar Amurka gaban ‘yan majalisar dokokin, shugaban hukumar tsaron cikin gida ta Homeland Security, ya kama hanyarsa zuwa kan iyakar Amurka da Mexico a karo na hudu a cikin ‘yan makwanni.

Sai dai shugaban a wannan lokaci yaje kan iyakar ne tare da wata tawagar sanatoci, domin su ga irin yanayin da ake ciki a wurin.

‘Yan majalisar da suka hada da ‘yan Democrats 12 da wani dan independent daya, sun ziyarci iyakar dake McAllen a jihar Texas inda ake yawan gudanar da harkoki da kuma sintirin jami’an tsaro, inda hukumomi suka tsare mutane dake kokarin shigowa kasar a cikin aikinsu.

Wata sanarwar da ofishin shugaban Democrats a majalisar dattawa Chuck Schumer ya fitar na cewa tawagar da isa da safiyar jiya Juma’a ne tare da shugaban hukumar tsaron cikin gida Kevin McAleenan domin bincike da duban iyakar tare da tantance halin da ake ciki a kan iyakar kudancin kasar.

Sanata Chuck Schumer yace tawagar taga wani matsuguni mai kyau a ziyarar wuni daya da ta kai wanda wata kungiyar taimako ta Katolika ke gudanar da ita.

Facebook Forum

XS
SM
MD
LG