Labari da Dumi-Duminsa

Ibrahim Garba

Produced by Ibrahim Garba

Disamba 28, 2017
Ana Ci Gaba Da Yi wa Buhari Jajen Hatsarin Da Dansa Ya Yi

Ana ci gaba da yi ma Shugaban Najeriya Muhammadu Buhari jaje da fatan alheri bayan hatsarin da dansa ya yi da mashin. Tuni malamai da talakawan Najeriya suka shiga addu'o'i da kuma bayyana fatan alheri da aikewa da sakonnin karfafa kwarin gwiwa ga Shugaban kasa da iyalinsa.
Disamba 28, 2017
Kisan Bature Da Sauran Ta’asa: An Damke Wasu Rikakkun Miyagu 30

Da alamar rundunar 'yansandan Najeriya ta yi gagarumin nasara bayan da ta damke wasu hamshakan miyagu wajen 30 bayan da su ka aikata manyan laifuka ciki har da kashe wani Bature saboda ba a ba su kudin fansan da ya kai miliyan 70 ba.
Disamba 26, 2017
Tashin Hankali: An Kafa Dokar Hana Fita A Bwari Daga Karfe 6 Na Yamma Zuwa 6 Na Asuba

Yayin da ake harmar bukin Kirsimeti, a wani bangare wata rigima ta barke tsakanin wasu majiya karfi a Karamar Hukumar Bwari da ke yankin Birnin Tarayyar Najeriya, Abuja, wanda ya yi sanadin mace-mace da asarar dukiyoyi na miliyoyin naira. Hukumomi dai sun ce sun kwantar da kurar.
Disamba 25, 2017
An Fara Bukukuwan Kirsimeti A Baitalami Tun Daga Jiya Lahadi

Kamar yadda aka saba duk shekara, jiya an fara bukin kirsimeti a birnin Baitalami (Bethlehem), a yayin da bukin wannan shekarar ya dau salon siyasa saboda ikirarin Isira'ila na mallakar Birnin Kudus da kuma goyon bayan hakan da Shugaban Amurka Donald Trump ya yi.
Disamba 25, 2017
Mahaukaciyar Guguwa Ta Kashe Mutane Fiye Da 200 A Kasar Filifinu Zuwa Yanzu

Kamar yadda kasar Filifinu ta saba fuskanta musamman ma a karshen shekara kamar haka, yanzu haka ta na nan ta na fama da mahaukaciyar guguwa, wadda zuwa yanzu ta lakume rayuka sama da 200.
Disamba 22, 2017
An Cimma Jituwar Kwance Damara Tsakanin Gwamnatin Sudan Ta Kudu Da 'Yan Tawaye

A wani al'amarin da wasu za su ce ba girin-girin ba ta yi mai, Gwamnatin Sudan Ta Kudu da 'yan tawaye, bayan gwabzawar da aka yi ta yi, sun cimma yarjajjeniyar tsagaita wuta tare da cigaba da aiwatar da wasu matakai na yada zaman lafiya tsakaninsu.
Disamba 22, 2017
Matsayin Birnin Kudus: Kasashe Da Dama Na Adawa Da Matakin Amurka

Baya ga wata kuri'ar da aka kada a Majalisar Dinkin Duniya tun farko, Babban Zauren Majalisar shi ma ya kada wata kuri'ar jiya Alhamis, inda kasashe da dama su ka yi watsi da matsayin Amurka. To saidai Amurka ta ce ta nan kan bakanta.
Disamba 22, 2017
Za A Sake Kakaba Ma Koriya Ta Arewa Takunkumi Mai Tsanani

A cigaba da sa kafar wando guda da Amurka da Koriya Ta Arewa ke yi, saboda cigaba da shirin nukiliya da Koriya Ta Arewa ke yi, Majalisar Dinkin Duniya, bisa bukatar Amurka, za ta kakaba ma Koriya Ta Arewa wani sabon takunkumin da zai sa samun man fetur ya ma ta wahala.
Disamba 21, 2017
Mun Sace Yaro Ne Saboda Son Kudi – inji wasu miyagu

Bayan da dubun wasu miyagu ta cika ta yadda babu kuma sauran karya, sai su ka amsa cewa tsabar son abun duniya ne ya kai su ga sace yaro dan shekaru uku da haihuwa, wanda su ka bukaci iyayansa su biya miliyoyin kudin fansa matukar su na son dansu.
Disamba 19, 2017
Rikicin Numan: An Tura Masu Bincike Daga Matakin Tarayya

Rundunar 'yan sandan Najeriya ta ce wadanda su ka haddasa rikicin da aka yi kwanan nan a Numan, wanda ya yi sanadin mace-macen mutane da dama, za su dandana kudarsu saboda an kaddamar da binciken zakulo su. Rundunar ta ce muddun aka samu mutun da hannu a wannan rikicin to ko wanene shi zai yaba ma aya zaki.
Disamba 19, 2017
Makomar Najeriya: An Yi Zaman Jin Ra’ayin ‘Yan Najeriya A Naija

A cigaba da sauraron ra'ayoyin 'yan Najeriya da ake yi game da shirin nan mai sarkakkiya na yin kwaskwarima ma kundin tsarin mulkin kasar, in yi zama jin sauraren al'ummar jahar Naija a harabar Majalisar Dokokin jahar.
Disamba 18, 2017
'Yan Kunar Bakin Wake Sun Barraka Wata Majami'a A Pakistan

Tsirarun Kiristan kasar Pakistan sun sake dandanawa, bayan da wasu 'yan kunar bakin wake su ka yi kukan kura su ka dumfari wani coci da jami'an tsaro ke gadinsa a birnin Quetta na kasar Pakistan, su ka tarwatsa kansu, su ka kashe masu ibada akalla 9. Tuni aka shiga addu'o'i da daukar karin matakan tsaro.
Disamba 18, 2017
Gaba da gabanta: Shugaban Rasha Ya Gode Ma Amurka Saboda Bayanan Sirri.

Duk da karce kasar da ake yi tsakanin Amurka da Rasha, Shugaban Rasha Vladimir Putin ya gode ma Amurka saboda bai wa Rasha bayanan sirri masu inganci, wadanda su ka taimaka wajen damko wasu 'yan ta'adda dab da lokacin da su ke harmar kai hari kan wata daddiyar majami'a ta tarihi da wasu wurare masu cinkushe da jama'a.
Disamba 18, 2017
"Mun Bi Ka'ida Wajen Tattara Sakonnin Email Na Kamfe Din Trump" -inji Mueller

A cigaba da murza gashin bakin da ake yi kan binciken zargin hadin baki tsakanin kwamitin yakin neman zaben Shugaban Amurka Donald Trump da kasar Rasha, babban jami'in bincike na musamman Robert Mueller ya kare karbo dubban sakonnin na kwamitin yakin neman zaben Trump da ya yi.
Disamba 15, 2017
Zaben Kenya: Jami'an Tsaro Sun Yi Fade - Sun Ci Karensu Ba Babbaka

Kungiyar rajin kare hakkin dan adam ta "Human Rights Watch," ta ce jami'an tsaro sun ci karensu ba babbaka ta wajen yin fade ma mata da 'yan mata - kai har ma da maza. Wannan ko baya ne ga wasoson da kuma barnata dukiyoyin da su ka yi ta yi babu kakkautawa.
Disamba 15, 2017
Zaben Amurka: Ba Rasha Ta Kar Zomon Ba - In ji Putin

Kamar yadda ya yi a baya, Shugaban Rasha Vladimir Putin ya nesanta kasarsa da galabar da Shugaba Donald Trump ya yi kan tsohuwar Sakatariyar Harkokin Wajen Amurka Hillary Clinton. Ya ce masu kokarin nuna rashin halalcin gwamnatin Trump ne su ka kago almarar cewa Rasha ce sanadi.
Disamba 15, 2017
Amurka Ta Zargi Iran Da Ruruta Rikicin Yemen Ta Wajen Taimaka Ma 'Yan Tawaye

Yayin da rikicin kasar Yamal (Yemen) ke kara kazancewa tun bayan kisan tsohon Shugaban kasar Ali Abdullah Saleh, Amurka ta zargi kasar Iran da taimaka ma 'yan tawayen Houthi da manyan makamai a wannan yakin da ake ganin rigima ce ta tsakanin Saudiyya da Iran din a fakaice.
Disamba 14, 2017
An Kafa Kwamitin Binciken Rikicin Manoma Da Makiyaya Na Numan Da Demsa

Bayan jina-jinar da aka yi a yankunan Numan da Demsa na jahar Adamawa, gwamnatin jahar, wadda ta yi ta shan suka daga bangarorin biyu, ta tashi haikan wajen yinkurin kwantar da hankula ta wajen nuna masu cewa da gaske ta ke yi game da binciken musabbabin rikicin.
Disamba 14, 2017
Buhari Zai Kafa Wata Dirkekiyar Tashar Makamashin Gas A Arewa

Da alamar yankin arewacin Najeriya ya yi kusa ya rabu da matsalar rashin wutar lantarki da makamashi da rashin ayyukan yi da kuma durkushewar kamfanoni da tabarbarewar tattalin arziki.Wannan ko ya biyo bayan matakin da Shugaba Buhari ya dauka na kafa wata tashar makamashin gas wadda bututanta za su wanzu zuwa sassa dabandaban.
Disamba 12, 2017
PDP Ta Ce Ta Ja Daga

Babbar jam'iyyar Adawa ta PDP, wadda kwanan nan tsohon Mataimakin Shugaban Najeriya, Atiku Abubakar ya sake komawa ciknta, ta yi babban taro inda ta samu sabon jagoranci tare da shan alwashin cewa za ta yi galaba a zabe na gaba.

XS

SM

MD

LG