Coronavirus Ta Shiga Fadar White House Ta Shugaban Amurka

O’Brien, wanda ke jagorantar shugabantar kwamitin tsaro na Amurka, “Ya nuna alamomin kadan kuma ya killace kansa, kana yana aiki daga wani wuri kebabbe. Babu alamun hadarin na kamuwa ga shugaban kasa ko mataimakinsa,” a cewar wata sanarwa da fadar White House ta fitar.

Sanarwar ta kara da cewa aikin kwamitin tsaro na Amurka ya cigaba ba tare da tangarda ba.

O’Brien dan shekara 54, shi ne babban jami’i a gwamnatin shugaban kasa Doald Trump da aka tabbatar da ya harbu da cutar coronavirus.