WASHINGTON D C —
Sakatariyar yada labaran fadar shugaban Amurka Sarah Huckabee Sanders ta ce shugaba Donald Trump ya bada shawarar anfani da fadarsa ta White House a matsayin wurin da za a yi ganawa tsakaninsa da shugaban Rasha Vladimir Putin.
Wannan shawarar ta zo ne ranar 20 ga watan Maris a lokacin wata wayar Tarho tsakanin shugabannin biyu. Bayan wayar, Trump ya ce yana fatan ganawa da Putin nan ba da dadewa ba,” amma bangarorin biyu sun ce babu wani shiri da aka fara don ganawar ya zuwa yanzu.
Sanders ba ta dai bada wani karin bayani ba akan shirin ganawar ba.
Shi ma hadimin fadar shugaban Rasha ta Kremlin, Yuri Ushakov ya tabbatar da cewa Trump ne ya fara kawo shawarar ganawar da Putin a fadar White House.
Facebook Forum