Accessibility links

Labari da Dumi-Duminsa

Majalisar Dattawan Amurka Za Ta Kada Kuriá Kan Scott Pruitt


Scott Pruitt, Zabin Trump Na Sakataren Kula Da Muhalli

A yau Alhamis wani kwamitin Majalisar Dattawa a nan Amurka zai kada kuri’a akan zabin Scott Pruitt a matsayin wanda zai jagoranci ma’aikatar kare muhalli.

A Jiya Laraba ya kamata mambobin wannan kwamitin su kada kuri’a, amma kuma ‘yan bangaren Democrat suka janye daga halartar zaman.

Hakan kuma suka yi a lokacin da kwamitin kudi zai tantance Steve Mnuchin a matsayin Sakataren baitul malin Amurka da kuma Tom Price a matsayin wanda aka zaba ya jagoranci Ma’aiaktar kiwon lafiya da harkokin jama’a.

Dokar majalisar Dattawan Amurka ta tanadi cewa lallai sai an samu akalla mutum guda daga bangaren marasa rinjaye a majalisar kafin a kada kuri’a.

Sai dai Sanata Orrin Hatch na jihar Utah dake jagorantar kwamitin na kudi, wanda kuma ya nuna fusatarsa a fili, ya yi jagoranci sauya wannan doka, wanda hakan kuma ya sa ‘yan Republican zalla suka samu damar kada kuri’ar amincewa da Mnuchin da kuma Price.

Su dai ‘yan majalisar Dattawa a bangaren ‘yan Democrat, sun ce suna bukatar karin lokaci kafin su shiga aikin tantance mutanen da shugaba Donald Trump ya mikawa majalisar domin neman amincewarsu.

AFCON 2021, Kelechi Iheanacho

"Ku doke daya daga cikin shahararrun koci a duniya", Kelechi Iheanacho, Najeriya bayan sun doke Masar
please wait

No media source currently available

0:00 0:01:11 0:00
Karin bayani akan Wasanni

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA
XS
SM
MD
LG