PLATEAU, NIGERIA - Manufar taron itace a samo hanyoyin bunkasa ayyukan noma don samun ci gaba, kamar yadda ake yi a sauran kasashen duniya. Ministan ya ce Najeriya ta samu ci gaba kwarai a fannin noma.
Shugaban kungiyar gwamnonin Arewacin Najeriya kuma gwamnan Jihar Filato, Simon Lalong ya ce sun dauki matakin bukatar samar da ‘yan sandan jihohi ne don magance ta’addanci da bai wa al’umma damar yin noma.
Manoma da masu sarrafa kayan noma daga jihohi daban-daban ne suka baje hajjojinsu a wurin taron.
Ma’aikatar noma ta Najeriyan dai tace zata ci gaba da bunkasa ayyukan noma a kasar don magance matsalar karancin abinci da samarda ci gaban kasa.
Saurari rahoton Zainab Babaji.
