Accessibility links

Labari da Dumi-Duminsa

Najeriya Ta Kai Zagayen ‘Yan 16 A Gasar AFCON


'Yan Najeriya masu ta da tsumin goyon baya a Kamaru

A ranar Laraba Najeriya za ta kara da Guinea-Bissau duk da cewa ta shiga zagaye na gaba yayin da Sudan za ta fafata da Masar.

Najeriya ta samu gurbin shiga zagayen ‘yan 16 bayan da ta doke Sudan a wasanta na biyu a gasar cin kofin nahiyar da ake yi a Kamaru a rukunin D a garin Garoua.

‘Yan wasan na Super Eagles sun doke Sudan da ci 3-1 inda Samuel Chukwueze ya yi sammakon zura kwallon farko a minti na uku da fara wasa.

Kwallo ta biyu kuma ta zo ne daga Taiwo Awoniyi gab da za a tafi hutun rabin lokaci, wato a minti na 45.

Bayan kuma da aka dawo daga hutun rabin lokacin ne Moses Simon shi ma ya ba da tashi gudunmowar kwallon a minti na 46.

Sai dai a minti na 70 Sudan ta samu bugun fenariti wacce Khedr Safour Daiyeen ya buga ya ci.

Duk da cewa sun zubar da dama da yawa a karawar, Najeriya ta yi hobbasan ganin ta mallaki gurbi a zagayen da za a fara sallamar kasashe zuwa gida.

Najeriya ta lallasa Masar a wasanta na farko inda ta doke tawagar dan wasan Liverpool Mohamed Salah da ci daya mai ban haushi.

Sau uku Najeriya tana lashe kofin na AFCON, lokaci na baya-bayan nan shi ne a shekarar 2013.

Ita kuwa Sudan ta taba lashe kofin gasar a shekarar 1970 kuma shekararta goma rabon da ta halarci gasar ta AFCON sai a wannan karo.

A wasanta na farko, Sudan ta tashi kunnen doki da Guinea-Bissau a wasanta na farko inda har golanta Ali Abu Achrine ya yi nasarar kakkabe wani bugun fenarti.

A ranar Laraba Najeriya za ta kara da Guinea-Bissau duk da cewa ta shiga zagaye na gaba yayin da Sudan za ta fafata da Masar.

Dubi ra’ayoyi (1)

An rufe wannan dandalin

AFCON 2021, Troost-Ekong

Abin da kyaftin Troost-Ekong ya ce da Najeriya ta lashe wasanninta uku a jere bayan doke Guinea-Bissau
please wait

No media source currently available

0:00 0:02:15 0:00
Karin bayani akan AFCON 2021

AFCON 2021, Super Eagles

Yan wasan Najeriya na atisaye gabanin karawar da za su yi da Guinea-Bissau a rukunkin D na gasar AFCON
please wait

No media source currently available

0:00 0:01:08 0:00
Karin bayani akan AFCON 2021

AFCON 2021: Troost-Ekong

Kowa ya san cewa mun iya taka leda’ In ji Troost-Ekong, yayin da Najeriya ta kai zagayen knockouts
please wait

No media source currently available

0:00 0:01:03 0:00
Karin bayani akan AFCON 2021

AFCON 2021, Kelechi Iheanacho

"Ku doke daya daga cikin shahararrun koci a duniya", Kelechi Iheanacho, Najeriya bayan sun doke Masar
please wait

No media source currently available

0:00 0:01:11 0:00
Karin bayani akan Wasanni
XS
SM
MD
LG