Accessibility links

Labari da Dumi-Duminsa

Najeriya Ta Lalata Allurar Rigakafin COVID-19 Miliyan Daya


Yayin da ake lalata allurar rigakafin cutar COVID

Najeriya ta lalata alluran rigakafin cutar COVID-19 sama da miliyan 1 na AstraZeneca a ranar bayan da hukumomi suka ce ba za a iya amfani da su ba kafin ranar karewar su.

Shugaban Hukumar Kula da Lafiya a matakin farko ta Najeriya Faisal Shuaib, ya ce jami’an kiwon lafiya a kasar da ta fi kowacce yawan jama’a a Afirka, ba ta da wata dabara illa su dauki wannan matakin bayan sun karbi gudummawar alluran rigakafin da ba su da sauran rai.

"Akwai kasashe da suka ci gaba da makon waddanan alluran rigakafin," in ji shi. "A lokacin da ranar amfaninsu ke gab da ƙarewa, sai suka ba da su gudummawa."

A makon da ya gabata Shu’aib ya sanar da cewa Najeriya ba za ta sake karbar irin wadannan gudummarwa ba.

Kashi 2 cikin 100 na al'ummar Najeriya miliyan 206 ne kawai ke da cikakkiyar rigakafin, kuma jami'an kiwon lafiya sun kafa wani gagarumin buri na yin allurar fiye da kashi daya bisa hudu na al'ummar kasar nan da watan Fabrairu. Yayin da shakku ya yi yawa, adadin rigakafin kasar ya kusan ninki biyu a cikin makon da ya gabata.

Najeriya na ta ganin karuwar masu kamuwa da cutar tun bayan da ta gano nau'in omicron mai saurin yaduwa a karshen watan Nuwamba, wanda ya samu karuwar kashi 500% a cikin makonni biyu da suka gabata, a cewar Cibiyar Kula da Cututtuka ta Najeriya.

A ranar Talata an tabbatar da sabbin masu cutar 2,123 a matsayin shine mafi girman adadin yau da kullun tun daga watan Janairun da ya gabata kuma na biyu mafi girma tun bayan barkewar cutar.

"Idan za mu shawo kan wannan cutar ta COVID-19, dole ne mu yi aiki mai kyau na tabbatar da samar da ingantacciyar rigakafin COVID-19," in ji Shuaib. "Babu wata kasa da za ta iya kawar da COVID-19 har sai duk kasashen sun sami damar kawar da shi."

Dubi ra’ayoyi

Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG