Accessibility links

Labari da Dumi-Duminsa

Shugaba Trump Ya Yi Allah Wadai Da Wariyar Launin Fata


Shugaban Amurka-Trump
Shugaban Amurka-Trump

Hukumomi a Washington da makwabiciya jihar Virginia sun yi wani taron hadin kai na tuna zagayowar ranar bukin 'yan kishin farar fata da ya rikide ya zama mummunar tashin hankali da ya kai ga mutuwa, kana shugaban Amurka Donald Trump ya yi kira ga hadin kai a jiya Asabar.

Shugaban yaa fada a cikin sakon Twitter da ya aike a filin wasan golf a jihar New Jersey, yana mai cewar yakamata mu hada kai a matsayin mu na al’umma daya. Yace yana Allah wadai ga duk wani nau’I na wariyar launin fata da kuma tada zaune tsaye.

Trump ya kara da cewa ya yi tsayin daka wurin kyautata rayuwar marasa rinjayi a kasar kana ya lashi takobin ci gaba da inganta rayuwar Amurkawa baki dayansu.

Kalaman na shugaban martani ne ga wani taron da aka gudanar a bara a Charlottesville a jiahr Virginia, wanda ya sha tsananin suka akai, a lokacin da ya fada cewa akwai mutanen kirki a duk bangarorin maimakon ya yi tir da abin da ya faru.

Magajiyar garin Washington Mauriel Bowser ta fada a ranar Alhamis cewa ta bada umarnin tabbatar da matakan kai agajin gaggawa kafin taron gangamin na yau Lahadi a gandun shakatawa na Lafayette Square dake daura da fadar White House. An kuma bada izinin gudanar da zanga zanga ga masu adawa da wannan taron wanda su kuma zasu yi nasu taro a nan gandun shakatawa, da wasu wurare dake kusa da gwurin.

Facebook Forum

XS
SM
MD
LG