Accessibility links

Labari da Dumi-Duminsa

Shugaban Koriya Ta Kudu Ya Amince Ya Gana Da Shugaban Koriya Ta Arewa


Shugaban Korea ta kudu Moon Jae-In

Shugaban kasar Koriya ta Kudu Moon Jae-In ya fada yau laraba cewa a shirye ya ke yayi ganawar ido-da-ido da shugaban Koriya ta Arewa Kim Jong Un, amma sai an cika wasu sharudda.

Tayin ganawar da shugaba Moon yayi wa takwaran aikinsa na Koriya ta Arewa, na zuwa ne kwana daya bayan da jami’an diplomasiyya daga kasashen biyu suka yi ganawar farko a hukumance tun bayan wadda suka yi a watan Disambar shekarar 2015.

Shugaban Koriya ta Kudu ya fadawa manema labarai a birnin Seoul cewa, taron kolin da kasashen biyu zasu yi ba wai kawai zaman ganawa ba ne. Moon yace tilas a sami tabbacin samun nasara ko ci gaba kafin ya zauna da shugaba Kim Jong Un.

A lokacin taron kolin da aka yi jiya Talata a kauyen Panmunjon da aka yiwa lakabin “na kwanciyar hankali’, inda babu wasu ayyukan soja a wurin, wanda kuma ya raba Koriya ta Arewa da ta Kudu, Koriya ta Arewa ta amince ta tura wakilanta zuwa wasan motsa jiki na Olympics da za a yi wata mai zuwa a Pyeongchang. Kasashen biyu kuma sun amince su gudanar da shawarwari don rage zaman tankiyar da ake yi tsakanin su.

Facebook Forum

XS
SM
MD
LG