Accessibility links

Labari da Dumi-Duminsa

'Yan Bindiga Sun Kashe Sojojin Najeriya 11 A Benue


Yayin da wasu sassan Najeriya ke ci gaba da fuskantar matsalar tsaro, wasu 'yan bindiga sun kai wani hari da ya yi sanadin mutuwar dakarun Najeriya 11 a jihar Benue da ke tsakiyar arewacin Najeriya.

Su dai sojojin suna aikin sintiri ne da ya kunshi wani hafsa daya da sojoji goma da aka ba da labarin sun bace bat, al'amarin da yasa aka aika da karin dakarun rundunar Operation Whirl Strike don neman su.

Kakakin hedikwatar sojojin Najeriya, Brigediya Janar Mohemmed Yerima, ya ce daga bisani an gano gawarwakin baki dayan sojojin a karamar hukumar Konshisha da ke jihar ta Benue.

Rundunar sojojin Najeriyar ta ce tuni dai an debe gawarwakin sojojin, kuma an kaddamar da farautar 'yan bindigar da suka tafka wannan aika-aika dan gurfanar da su gaban kotu.

Rundunar sojin Najeriya ta ce za ta ci gaba da aiki tukuru don tabbatar da samar da cikakken zaman lafiya a jihar Benue da ma sauran sassan Najeriya.

Jihar Benue dai na daya daga cikin jihohin Najeriya dasuka fi fuskantar tabarbarewar tsaro a Najeriya, don a baya ma gwamnan jihar ya fuskaci wani hari yayin da yake gonarsa.

Saurare cikakken rahoton a sauti:

please wait

No media source currently available

0:00 0:01:26 0:00

Laftanar Janar Farouk Yahaya

Makasan Sheikh Goni Aisami Sun Bata Sunan Sojin Najeriya – Laftanar Janar Farouk Yahaya
please wait

No media source currently available

0:00 0:02:11 0:00
Karin bayani akan Bidiyo

Shin da gaske NNPP ba ta yi wa Shekarau adalci ba?

Karin bayani akan Bidiyo
XS
SM
MD
LG