Mai magana da yawun rundunar sojojin Afghanistan ya fadawa Muryar Amurka cewa wata mummunar fada ta barke, biyo bayan mummunar harin da 'yan ta’addan suka kai a gundumar Chinarto
Kanal Yahaya Olawee yace a na ci gaba da gwabza fada a wurare da dama, amma dai zai yi karin bayani nan gaba.
A lokacin dabam dabam, babban 'yan sandan gundumar ya fadawa Muryar Amurka cewa sojoji dari na dakarun Afghanistan ne aka jibgesu a tungar, amma yanzu haka ba a san inda suke ba, bayan harin da Taliban ta kai a wurin. Akhtar Mohammad ya kyautata zaton sojojin sun bada kai ne ga 'yan ta’addan, kuma ya tabbatar da 'yan ta’addan sun rusa tungar sojin.
Wani kakain 'yan ta’addan Qari Yousaf Ahmadi, yace wadannan manyan hare haren Taliban ta kai, sun yi kaca kaca da tungar dakarun Afghanistan kuma sun kashe sojoji 55 kana suka kama wasu guda shida.
Facebook Forum