Accessibility links

Labari da Dumi-Duminsa

Najeriya Ta Dukufa Wajen Bunkasa Fannin Kasuwanci Da Fasahar Zamani -NITD


Kashifu Inuwa Abdullahi

Nan ba da jimawa ba, kasar mu zata shiga jerin kasashen da suka cigaba a fanin kimiyya da fasahar zamani.

Hukumar bunkasa fasahar sadarwar ta zamani NITDA, ta ce a shirye take ta bunkasa kasuwanci, musamman wajen amfani da kafofin yanar gizo a kasar, wanda mafi akasarin matasan kasar za su ci gajiya.

Shugaban hukumar Kashifu Inuwa Abdullahi, ya shaida hakan a wata tattaunawa ta musamman da Muryar Amurka akan matakai da suke dauka don ganin kasar ta bi sahun kasashen duniya a fanin kimiyya da fasahar zamanin a bangaren kasuwanci.

Hukumar mu ta zo da wani tsari da ake kira Strategic Roadmap na ya za’ayi a canja harkar fasahar zamani baki daya a kasar, don gogayya da kasashen da suka ci gaba a fadin duniya.

Daliban NITDA
Daliban NITDA

Muna da tsari da ke dauke da Taswirori guda hudu, wanda muka fara daga shekara ta 2016 zuwa shekara ta 2020, wanda ke nufin cewa karshen shekarar nan za’a kare wannan tsarin da muka yi.

"A ciki, mun fitar da bincike guda 7 da mu ke son mu aiwatar, wanda idan aka yi zai daura Najeriya a kan harkar tattalin arziki na zamani wato "Digital Economy." Kashifu ya fadawa Yusuf Aliyu Harande.

Tsare-tsaren sun hada da Developmental Regulation, za’a kawo doka da zata bunkasa wannan harkar, dokar zata taimakawa ‘yan kasa su gane mai ya kamata su yi da fasashar zamani, hakan zai basu damar samun cigaba na tattalin arzikin su.

Kana a ciki mun zo da dokar da ake kira Nigeria Data Protection Regulation, doka ce wadda take tantance wane irin bayanai suka kamata mutane su daura a yanar gizo.

Daliban NITDA 2
Daliban NITDA 2

Haka gwamnati ko wata hukuma idan zasu karbi bayani, wane irin suka kamata da wadanda basu kamataba, wannan tsarin da muka zo da shi ya bude ma mutanen hanyoyin ayyukan yi, a cikin kasa da shekara daya mun samu mutane kasa da dubu 2 da 700 da su ka samu aikin yi.

A bangaren kasuwar wannan harkar a yanzu ta fi naira bilyan 2, sannan daga ciki muna zuwa da wasu tsare-tsare da zasu taimaka wajen bunkasa tattalin arziki, da kuma wadanda zasu taimaka wajen tabbatar da cewa an yi ayyuka dai-dai a gwamnatance.

Ko a kwanan nan akwai tsarin da muka fitar wanda 'yan kasa zasu ci gajiyar shi, wanda za su iya samun aiki a wata kasa kuma su gabatar da shi alhalin suna nan Najeriya wajen amfani da yanar gizo. Mun zo da wannan tsarin ne saboda mun ga kamar kasar Indiya a duniya ita ta mamaye wannan bangaren kasuwanci, sai mu ka ga ai Najeriya mun fi Indiya dama idan za’a yi.

Daliban NITDA 3
Daliban NITDA 3

Na farko, lokacin mu ya fi kusa da America da Turai a kan lokacin Indiya, na biyu Najeriya mun fi mutanen da suka iya turanci, saboda yanzu kasar Indiya ma wadanda suka iya turanci suna raguwa, saboda haka muka fitar da tsarin ya za’a yi Najeriya ta mori wannan tsari.

Akwai kuma tsarin Digital Capacity Building, saboda harkokin duk fasahar zamani sai mutum na da ilimi. akwai horaswa da mu ke yiwa mutane daban-daban, wanda a cikin shekara 1, daga watan Agustar shekarar 2019 zuwa Agustar shekarar 2020 da mu ke ciki hukumar NITDA ya horar da ‘yan kasa kusan dubu 40.

Sai a saurari tattaunawar cikin sauti.

please wait

No media source currently available

0:00 0:03:28 0:00

  • 16x9 Image

    Yusuf Harande

    Yusuf Aliyu Harande, dan jarida da ke aiki da Sashen Hausa na Muryar Amurka (VOA). Yana da kwarewa a fannoni da dama, da suka hada da shafukan yanar gizo, talabijin, bincike, rubutu da hotuna. Dan asalin kauyen Hiliya ne daga karamar Hukumar Tambuwar a jihar Sakkwato.

Facebook Forum

An Yi Jana’izar Idriss Deby Yayin Da Makomar Chadi Ke Cike Da Rashin Tabbas
please wait

No media source currently available

0:00 0:04:38 0:00
Karin bayani akan Bidiyo
Yadda Aka Kashe Sojojin Najeriya 11 A Jihar Benue Da Ke Arewacin Kasar
please wait

No media source currently available

0:00 0:02:34 0:00
Karin bayani akan Bidiyo
Wani Sirri Da Tsohon Shugaban Nijar Mahamadou Issoufou Ya Fadawa ‘Sarki Sanusi II’
please wait

No media source currently available

0:00 0:02:23 0:00
Karin bayani akan Bidiyo
XS
SM
MD
LG